Almaniyanın premium avtomobil nəhəngi Audi Çinə dair əhəmiyyətli bir qərar qəbul edib. Şirkət Çinə xüsusi olaraq yeni bir elektrik avtomobili markası təqdim edib. “AUDI” adlandırılan bu marka özünəməxsus loqoya sahib olacaq.
AUDI markası ilk olaraq “AUDI E” adlı konsept avtomobillə tanıdılıb. Station wagon tipli olan AUDI E, təsirli dizaynı və texniki xüsusiyyətləri ilə qlobal istehlakçılara maraqlı gələcək. Ənənəvi Audi dizaynlarından xeyli fərqlənən AUDI E, olduqca modern və cazibədar görünüşə malikdir. Avtomobilin ön hissəsində AUDI loqosu ətrafında LED faralar yerləşdirilib. Bu faralar alt tampondakı LED işıqlandırma ilə uyğunlaşdırılaraq avtomobilə möhtəşəm bir görkəm qazandırır.
AUDI E-nin ön hissəsində gördüyümüz işıqlandırma dizaynı arxa hissədə də öz əksini tapır. Arxa tərəfdə də “AUDI” yazısı görünür. Kamera formasında yan güzgülər və gövdəyə daxil edilmiş qapı dəstəkləri də avtomobilin diqqətçəkən dizayn elementlərindəndir.
Konsept avtomobilin iç hissəsi də xarici görünüş qədər diqqətçəkəndir. AUDI E-nin ön panelini tam əhatə edən ekranlar, ambiyans işıqlandırma, panoramik şüşə tavan və taxta detallarla tamamlanıb. Həmçinin, mərkəzi konsolun sadəliyi də fərqlənən detallardan biridir.
AUDI E-nin texniki göstəriciləri də təsirlidir. Avtomobilin kapotu altında 754 at gücü və 800 Nm fırlanma momenti yaradan iki elektrik mühərriki yerləşdirilib. Batareya üzrə 700 kilometrlik bir məsafə təmin edən AUDI E, cəmi 10 dəqiqəlik şarjla 300 kilometrlik yol qət edə bilir.
