Avropa İttifaqı yeni süni intellekt (AI) layihəsi üzərində işləyir. Məqsəd 30 dildə fəaliyyət göstərə bilən və "Avropa dəyərlərinə" uyğunlaşdırılmış süni intellekt modeli yaratmaqdır. Bu layihədə Avropa şirkətləri və universitetləri iştirak edir, həmçinin İspaniyanın Mare Nostrum və İtaliyanın Leonardo superkompüterlərindən istifadə olunacaq.
Layihə Çin mənşəli DeepSeek-in uğurundan sonra Avropanın süni intellekt yarışında geri qalmamasını təmin etmək üçün cəhd kimi qiymətləndirilib. Maliyyə baxımından ABŞ mənşəli OpenAI və digər şirkətlərlə müqayisədə büdcəsi daha kiçik olsa da, Avropa İttifaqının dəstəyi kifayət qədər böyükdür.
Avropada süni intellekt sahəsinə təsir edən əsas məsələ Süni İntellekt Aktıdır. Bu qanun cəmiyyət üçün "qəbuledilməz risk" yaradan texnologiyaları qadağan edir. Məsələn:
- İnsanların emosiyalarını təhlil etmək (işdə və ya təhsil zamanı),
- İctimai yerlərdə insanların biometrik məlumatlarının real vaxtda toplanması,
- Sosial reytinq texnologiyaları.
Bu qaydaları pozan şirkətlər 35 milyon Avro və ya illik gəlirlərinin 7%-i həcmində cərimə edilə bilər.
Bəzi texnologiya nəhəngləri, məsələn, Meta və OpenAI, hüquqi risklər səbəbindən Avropada süni intellekt alətlərini təqdim etməyi yavaşladıb və ya dayandırıb. Layihənin uğur qazanması Fransa hökumətinin 2008-ci ildə Google-a alternativ yaratmaq cəhdi ilə müqayisə olunur, lakin bu səfər nəticənin fərqli olacağı gözlənilir.
