Yeni yaddaş aksesuarları
SanDisk və Meta Made For Meta brendi altında yaddaş aksesuarları istehsal etmək barədə razılığa gəliblər. Məhsul xəttinə Meta Quest virtual reallıq eynəkləri və Meta VR Glasses üçün nəzərdə tutulan microSD Express yaddaş kartları və USB-C fleş daşıyıcıları daxil olacaq. Yeni qurğular istifadəçilərə oyunlar və digər rəqəmsal məzmun üçün əlavə yaddaş imkanı yaradacaq.
Aksesuarların 2027-ci ilin yazında, Meta VR Glasses cihazının təqdimatı ilə eyni vaxtda satışa çıxarılması planlaşdırılır. SanDisk hələlik yeni daşıyıcıların yaddaş tutumunu, qiymətini və digər texniki xüsusiyyətlərini açıqlamayıb.
Məlumatlara görə, Meta VR Glasses 128 GB daxili yaddaş və microSD kart yuvası ilə təchiz oluna bilər. Bu məlumat təsdiqlənərsə, cihaz Meta-nın yaddaşını kart vasitəsilə genişləndirməyə imkan verən ilk VR qurğusu olacaq. Beləliklə, istifadəçilər daha böyük daxili yaddaşa malik model seçmədən yaddaş tutumunu artıra biləcəklər.
