1Fit startapının baş icraçı direktoru (CEO) vəzifəsini yeddi il ərzində icra edən Murad Alixanov bu postdakı fəaliyyətini başa çatdırdığını açıqlayıb. Onun rəhbərliyi dövründə 1Fit Mərkəzi Asiya regionunda fitnes və sağlam həyat tərzi sahəsində aparıcı texnoloji şirkətlərdən birinə çevrilərək mühüm uğurlara imza atıb.
1Fit — abunəlik əsaslı mobil tətbiq formatında fəaliyyət göstərən bir platformadır. İstifadəçilərə tək bir abunə ilə müxtəlif fitnes mərkəzlərindən, idman zallarından, yoga studiyalarından və digər sağlamlıq xidmətlərindən rahat şəkildə yararlanmaq imkanı təqdim edir. Şirkət fəaliyyətini Azərbaycan, Qazaxıstan, Qırğızıstan, Özbəkistan və digər Mərkəzi Asiya ölkələrində uğurla genişləndirib.
Murad Alixanov vəzifəsini tərk etməsinə baxmayaraq, şirkətin strateji inkişafında səhmdar kimi iştirakını davam etdirəcək. O, gələcəkdə texnoloji sahədə fəaliyyət göstərən şirkətlərə və startap təsisçilərinə məsləhətçilik istiqamətində çalışmağı planlaşdırır.
1Fit komandası rəhbərlikdə baş verən bu dəyişikliyi yeni mərhələnin başlanğıcı kimi qiymətləndirir və platformanın inkişafını daha da sürətləndirmək niyyətindədir.
