Avqust ayında Berlində yerləşən Earlybird Venture Capital-dan ayrılan Earlybird Digital East, yoluna "Bek Ventures" adı ilə davam etmə qərarını verib. Yenidən markalaşan bu vençur kapital fondu 250 milyon dollarlıq yeni bir fond yaradıb.
Avropa startap ekosistemində və Türkiyədə böyük uğurlar əldə edən Bek Ventures, son 10 il ərzində həyata keçirdiyi yatırımlarla 10 dəfədən çox gəlir əldə edərək, ümumilikdə 2,4 milyard dollarlıq geri dönüşə nail olub. Hər bir fond üzrə orta hesabla 20 startapa yatırım edən VC, portfelindəki startapların 90%-nin davam turlarına qatılıb.
İsim dəyişikliyi ilə yanaşı, diqqətdən kənarda qalan bazarlardakı erkən mərhələdəki texnologiya startaplarının qlobal səviyyəyə çıxmasına dəstək olmaq üçün 250 milyon dollarlıq yeni fond yaradan Bek Ventures, portfelində Midas, Upstash, Picus, Obilet, Payhawk və UiPath kimi yerli və xarici startaplara malikdir.
Bloomberg-ə verdiyi açıqlamada pandemiyadan sonra yavaşlayan investisiya ekosistemini qiymətləndirən Bek Ventures-in General Partner-i Cem Sertoğlu bildirib: "Fondlar getdikcə böyüyür və çox mərhələli hala gəlir, bu da performansa mənfi təsir göstərir". Sertoğlu əlavə edib ki, hədəf bazarlardakı sahibkarlar dolların dəyərini yaxşı bilirlər.
Süni intellekt sahəsinə nikbin baxan Bek Ventures, yeni fondu ilə Polşada yerləşən süni intellekt startapı Proofs-a və keçmiş Meta mühəndisləri tərəfindən qurulmuş Zeta Labs-ə artıq yatırım edib.
