Meta-nın Facebook üçün yeni süni intellekt dəstəkli funksiya üzərində işləməyə başladığı məlum olub. Hələ inkişaf mərhələsində olan yeni funksiya istifadəçilər üçün hazır mətnlər yaratmağa imkan verir.
Tərtibatçı Alessandro Paluzzi tərəfindən açıqlanan xüsusiyyət Facebook istifadəçilərinin yeni "yazı köməkçisi"nə sahib olacağını göstərir.
"Süni intellektlə yaz" adlanan bu xüsusiyyət böyük hesabları idarə edən məzmun istehsalçıları üçün faydalı olacaq. Çünki Facebook-un yeni funksiyası süni intellektə mətnlər yaratmağa imkan verəcək. Süni intellektə mətn yaratmaq istəyən istifadəçinin etməli olduğu tək şey bir neçə söz daxil etməkdir. Süni intellekt bu girişlər haqqında dərhal paylaşıla bilən mətnlər yaradacaq.
Facebook-un yazı köməkçisi geniş düşünülmüş funksiya kimi istifadəyə veriləcək. İstifadəçi süni intellektdən əyləncəli, ciddi və ya peşəkar mətn yaratmağı istəyə biləcək. Meta süni intellektlə işləyən alətə yazdığınız hər bir sözdən və AI-ni öyrətmək üçün sizin üçün yaradılmış hər mətndən istifadə edəcək.
Meta Facebook kodlarında aşkarlanan yeni xüsusiyyətlə bağlı heç bir açıqlama verməyib. Beləliklə, funksiyanın nə vaxt istifadəyə veriləcəyi kimi məlumatlar qeyri-müəyyən olaraq qalır.
