Gamepons və Baku Juniors Sport Club arasında yeni əməkdaşlıq barədə razılıq əldə olunub. Bu əməkdaşlıq çərçivəsində Gamepons tərəfindən qadın futboluna həsr olunmuş yeni mobil oyunun yaradılması planlaşdırılır.
Gamepons-un həmtəsisçisi Vüsal Kərimli qeyd edir ki, şirkətin əsas məqsədi Azərbaycanda oyun tərtibatçılığı sahəsində ekosistemin qurulmasına töhfə verməkdir. Bununla yanaşı, ölkəmizdə sürətlə populyarlaşan qadın futbolunun inkişafına da öz dəstəyimizi göstərmək istəyirik.
Bu əməkdaşlıq sayəsində həm oyun sənayesi, həm də qadın futbolu sahəsində yeni imkanlar yaradılacaq və hər iki sahənin inkişafına müsbət təsir göstəriləcək.
Gamepons açıqlamasına bildirib ki, "Öz növbəmizdə Baku Juniors Sport Club rəhbərliyinə təşəkkür edirik və ümid edirik ki, gələcəkdə əməkdaşlığımız daha da güclənər."
"Baku Juniors Sport Club" "AFFA Yüksək Qızlar Liqası" 2023-2024 mövsümündə 36 xalla 3-cü pillədə mövsümü yekunlaşdırmışdır.
2017-ci ildə yaradılmış Baku Juniors Qadın Futbol Klubu qısa müddətdə Azərbaycanda qadın futbolunun təbliğində əsas oyunçu kimi özünü təsdiqləyib. Klub gənc istedadların yetişdirilməsinə, qadın idmançıların gücləndirilməsinə və idmana məhəbbətin artırılmasına həsr olunub. AFFA Qadınların Top Liqasında mübarizə aparan Baku Juniors, rəqabətədavamlı mükəmməlliyi ictimaiyyətin iştirakı ilə bağlı güclü öhdəliyi ilə birləşdirərək, onu regionda qadın futbolunun inkişafında hərəkətverici qüvvəyə çevirir.
