Google-un CEO-su Sundar Pichai bildirib ki, "Google Axtarış" daha effektiv və faydalı olmaq üçün inkişaf edir. Şirkət istifadəçilərinə daha dəqiq və sürətli kömək etmək məqsədilə süni intellekt (AI) texnologiyalarındən istifadə edir.
Əvvəllər Google yalnız axtarış nəticələrini, yəni on mavi linkləri təqdim edirdi. İndi isə Axtarış sistemi istifadəçilərin suallarına daha uyğun və konkret cavablar tapmaq üçün internetdə daha çox araşdırma aparır və müxtəlif mənbələrdən məlumat toplayır.
Pichai 2025-ci ildə "Google Axtarış" da çoxlu yeniliklərin gözlənildiyini qeyd edib. Məsələn, "Project Astra" adlı yeni AI sistemi nəzərdə tutulur ki, istifadəçinin kamerası və ya ekranı vasitəsilə canlı görüntüləri analiz edərək suallarını cavablandıracaq.
Həmçinin, "Gemini Deep Research" adlı yeni bir proqram inkişaf etdirilir ki, bu proqram istifadəçilərin tədqiqatlarını avtomatik şəkildə həyata keçirəcək. Əvvəllər insanlar araşdırma üçün uzun müddət Google-da vaxt keçirirdilər, amma bu proqramla həmin işləri Google özü yerinə yetirəcək. Google həmçinin istifadəçilərlə daha interaktiv şəkildə əlaqə qurmaq üzərində işləyir. Bu da o deməkdir ki, istifadəçilər daha çox sual verə və cavablarını daha dəqiq şəkildə əldə edə biləcəklər. Lakin, ilkin mərhələdə Google AI xüsusiyyətləri bəzi səhvlər vermişdi. Məsələn, sistemin təklif etdiyi cavablar arasında qəribə və yanlış tövsiyələr mövcud idi, məsələn, daş yemək və pizzaya yapışqan sürtmək. Google bu səhvləri qəbul edərək sistemin təkmilləşdirilməsi üzərində işlərini davam etdirir.
Görünən odur ki, "Google Axtarış" ı daha ağıllı və istifadəçi dostu etmək üçün davamlı olaraq yeniliklərə yönəlir.
