Rockstar Games, uzun müddətdir gözlənilən GTA 6 üçün əhəmiyyətli bir açıqlama verərək oyunun ilk treylerinin nə vaxt yayımlanacağını açıqlayıb.
Rockstar Games rəsmi olaraq GTA 6-nın ilk treylerinin dekabrda çıxacağını qeyd edib.
"Biz dekabrın əvvəlində yeni Grand Theft Auto-nun ilk treylerini yayımlayacağımızı bildirməkdən məmnunuq", - şirkətin həmtəsisçisi və prezidenti Sem Houser deyib. O, həmçinin bu açıqlamanın şirkətin 25 illik yubileyinə təsadüf etdiyini və oyunçulara təşəkkür etdiklərini bildirib.
GTA 6 ilə bağlı əvvəlki sızmalara görə, oyunda Lucia və Jason adlı iki əsas personaj olacaq. Bundan əlavə, oyunun yerinin "Vice City Metro" olduğu bəlli olub, bu da oyunun Mayami şəhərində keçiriləcəyini göstərir.
