SoftBank-ın maliyyə dəstəyini alan milyarder Bhavish Aggarwal Hindistanda süni intellekt sahəsində fəaliyyət göstərən Krutrim adlı startapa 230 milyon dollar investisiya edib. Bu investisiyanı əsasən öz şəxsi maliyyə vəsaitlərindən istifadə edərək təmin edən Aggarwal Krutrim-ə növbəti il ərzində 1,15 milyard dollar investisiya etməyi planlaşdırır.
Bu investisiya xəbəri ilə eyni vaxtda Krutrim Hind dilinə uyğun olaraq hazırladığı süni intellekt modellərini hər kəsin istifadəsinə verib. Həmçinin, Hindistan ən böyük superkompüterini Nvidia ilə birlikdə qurmağı planlaşdırılır. Şirkət Hind dilində fəaliyyət göstərən dil modelləri (LLM) üzərində işləyir. Krutrim-2 modeli Hind dilində yaxşı nəticələr göstərərək digər rəqib modellərdən fərqlənib.
Aggarwal "Hələ dünya standartlarına çatmamışıq, amma bir il ərzində yaxşı irəliləyişlər əldə etmişik" deyib və Hindistanın süni intellekt sahəsində inkişaf etməsi üçün öz modellərini açıq mənbə olaraq təqdim etdiklərini bildirib.
Bu təşəbbüs Hindistanın süni intellekt sahəsində ABŞ və Çin kimi ölkələrə qarşı mövqeyini gücləndirmək istəyinin bir hissəsidir. Krutrim Hind dilindəki süni intellekt modellərini qiymətləndirmək üçün BharatBench kimi xüsusi sistem yaradıb. Bu daha əvvəl yalnız İngilis və Çin dillərinə əsaslanan qiymətləndirmə sistemlərinin boşluğunu doldurub.
Superkompüterin mart ayında işə düşməsi planlaşdırılır və ilin sonuna qədər genişlənməsi gözlənilir.
