İlk “Togg” avtomobili Ərdoğana, ikinci isə İlham Əliyevə təqdim ediləcək
Türkiyə istehsalı olan “TOGG” avtomobili ilk sifarişçilərinə təqdim ediləcək. Bu barədə məlumatı Türkiyənin sənaye və texnologiya naziri Mustafa Varank açıqlayıb.
Nazir açıqlamasında “Biz avtomobili bazar ertəsi “TOGG”u ilk sifariş verən Prezident Rəcəb Tayyib Ərdoğana təhvil verəcəyik. Eyni zamanda, Azərbaycan Prezidenti İlham Əliyevlə görüş vaxtı təyin etdik. İkinci maşını da cənab Əliyevə çatdırmağı planlaşdırırıq”, – deyə bildirib.
Xatırladaq ki, Ərdoğan İlham Əliyevin Türkiyə istehsalı olan iki “TOGG” avtomobili istədiyini açıqlamışdı. Jurnalistin İ.Əliyevin hansı rəngdə avtomobil istəməsinə dair suala isə Ərdoğan belə cavab vermişdi: “Rəng məsələsini müzakirə etmədik. Düşünürəm ki, İlham Əliyev avtomobilin hansı rəngdə olmasını Mehriban xanımla müzakirə edib bizə məlumat verər”.
