İlya Sutskeverin "Safe Superintelligence" adlı startapı 20 milyard dollar dəyərində investisiya cəlb etmək üçün danışıqlar aparır. "Safe Superintelligence" hələ gəlir əldə etməyib və şirkətin nə qədər investisiya toplamaq istədiyi dəqiq bilinmir. Yeni qiymətləndirmə rəqəmi keçən ilin sentyabrında şirkətin əldə etdiyi 5 milyard dollarlıq qiymətləndirmədən 4 dəfə çoxdur.
Şirkətin fəaliyyəti ilə bağlı çox az məlumat var. "Safe Superintelligence"-in qurucuları arasında keçmiş OpenAI tədqiqatçısı Daniel Levy və Apple-ın AI layihələrinə rəhbərlik edən Daniel Gross da var. Bu günə qədər şirkət 1 milyard dollar investisiya cəlb edib. Mövcud investorlar arasında Sequoia Capital, Andreessen Horowitz və DST Global yer alır.
İlya Sutskever süni intellekt və texnologiya sahəsində geniş nüfuza malikdir. O, OpenAI-da ChatGPT-nin inkişafına təkan verən texniki yanaşmanı yaratmaq da daxil olmaqla, əsas süni intellekt yeniliklərinə töhfələr verməsi ilə tanınır.
