Baykar tərəfindən hazırlanan Bayraktar TB2 güclü üstünlükləri ilə diqqət çəkməyə davam edərkən TB2 SİHA satın alan son ölkənin Küveyt olduğu açıqlanıb.
Baykar tərəfindən bildirilib ki, "Küveyt Dövləti ilə milli SİHA Bayraktar TB2 ixracı arasındakı müqavilə prosesini uğurla tamamladıq. Amerika, Avropa və Çin şirkətlərinin də olduğu rəqabətli prosesin qalibi olan milli SİHA Bayraktar TB2, 2019-cu ildə səhra şəraitində 27 saat 3 dəqiqə havada qalaraq ən uzun uçuş müddəti rekordunu qırdığı Küveyt səmasında xidmət göstərəcək.”
Küveyt ordusu Twitter-də razılaşmanın 367 milyon dollar (8,68 milyard TL) olduğu bildirsə də, ümumilikdə nə qədər pilotsuz uçuş aparatının alındığı açıqlanmayıb.
Baykarın Baş Direktoru Haluk Bayraktar Twitter üzərindən etdiyi açıqlamada "Küveyt Dövləti ilə Baykar arasında birbaşa icra etdiyimiz milli SİHA Bayraktar TB2 ixrac müqaviləsini uğurla sonlandırdıq. İndiyə qədər 30 ölkə ilə ixrac müqaviləsi imzaladığımız Milli SİHA Bayraktar TB2-lər dost və qardaş ölkələrin inventarında sülh və təhlükəsizliyin bərqərar olması üçün xidmət etməyə davam edəcək.” ifadələrini qeyd edib.
