1998-ci ildə Ağ Evdə prezident Bill Klinton və vitse-prezident Al Qorla birgə mətbuat konfransında çıxış edirdi. Həmin tədbirdə Amerika hökuməti İnternet rəhbərliyinin yeni bir mərhələsini elan etdi. Bu an təkcə siyasi deyil, həm də iqtisadi baxımdan Amerika üçün mühüm bir dönüş nöqtəsi oldu. İnternetin inkişafı və bu sahədə Amerika liderliyinin gücləndirilməsi ölkənin gələcək iqtisadi dinamizmini təmin etdi.
Bu gün isə başqa bir texnoloji inqilabın astanasındayıq. Süni intellekt (AI) informasiya texnologiyalarının növbəti nəhəng dalğasıdır və ABŞ-ın yeni prezidenti Donald Tramp bu sahədə güclü mövqe tutmaq üçün mühüm addımlar atır. O, texnologiya sahəsində tanınmış adları, o cümlədən David Sacks-i süni intellekt kralı dediyimiz, İlon Mask və Vivek Ramasvamini isə hökumət islahatlarının əsas iştirakçıları kimi irəli sürüb. Bu addımlar, süni intellektin İnternetdən daha dərin və sürətli təsir edəcəyinə işarə edir.
Bu səbəbdən, Davosda Dünya İqtisadi Forumunun İllik Toplantısına toplaşan dünya liderləri və biznesmenlər üçün AI-nin mənimsənilməsi və düzgün idarə edilməsi son dərəcə vacib məsələyə çevrildi. Liderlər “fasilə” düyməsini basaraq öz strategiyalarını yenidən nəzərdən keçirməli və AI-yə yanaşmalarının kifayət qədər çevik və təsirli olub-olmadığını dəyərləndirməlidirlər.
Gələcəyə yönəlmiş liderlər üçün bəzi əsas məqamlar aşağıdakılardır:
- Cəsarətli hədəflər qoymaq: Böyük məqsədlərə çatmaq üçün risk etmək lazımdır. Uğursuzluq qorxusu inkişafın qarşısını almamalıdır. Əgər heç bir uğursuzluq yaşamırsınızsa, deməli, kifayət qədər irəli addım atmırsınız.
- Dağılma (disruption) strategiyasını qəbul etmək: Yalnız tədrici inkişaf deyil, həm də bazarın əsas axınlarını dəyişdirən innovasiyalar ön planda olmalıdır. Bu gün ən böyük rəqibiniz başqa bir şirkət deyil, bazarın təkamül sürətidir.
- Sİ strategiyasını şirkətinizə (qurumunuza) inteqrasiya etmək: Tək-tək fərdi AI təşəbbüsləri əvəzinə, geniş və uzunmüddətli fərqləndirici strategiya qurmaq vacibdir.
- CEO kimi Sİ-ə sahiblənmək: Süni intellektin təsirini nəzərə alaraq, təşkilat rəhbərləri onun tətbiqi və inkişafı prosesinə birbaşa rəhbərlik etməlidirlər.
- Gələcəyə baxışınızı dəqiqləşdirmək: Üç il sonra şirkətinizin necə olacağını müəyyən edin və bu məqsədə çatmaq üçün hansı dəyişikliklərin edilməsi lazım olduğunu müəyyənləşdirin.
- Məlumat təhlükəsizliyini prioritet etmək: Sİ-nin əsasını təşkil edən məlumatlar təşkilatınızın ən qiymətli aktivlərindən biridir. Bu məlumatların qorunması və təhlükəsizliyinə dair strategiyanızın olması zəruridir.
- Pozulma tempinə uyğunlaşmaq: Sİ-in təsiri təkcə texnoloji deyil, həm də iqtisadi olacaq. Bu dəyişikliklərin ritmini mənimsəmək və onlardan faydalanmaq üçün çevik olmaq lazımdır.
Bununla yanaşı, qlobal səviyyədə AI üzrə liderlik uğrunda rəqabət də gedir. ABŞ-ın bu sahədə liderlik etməsi üçün Hindistanla strateji əməkdaşlıq etməsi əsas imkanlardan biri hesab olunur. ABŞ artıq bu istiqamətdə mühüm addımlar atıb, məsələn, 2023-cü ildə dünya üzrə ən böyük məlumat mərkəzi gücü yaratdı. Bu transformasiya hökumətləri və iri şirkətləri dəyişikliklərə uyğunlaşmağa vadar edir və rəqabət tempini artırır.
Liderlər Süni İntellektə Necə Hazırlaşmalıdır?
- Süni İntellekti Anlamaq — Sİ-nin əsas prinsiplərini və biznesdə necə istifadə oluna biləcəyini öyrənmək vacibdir. Bunun üçün onlien kurs götürməj, kitab oxumaq və konfranslarda iştirak etmək faydalıdır.
- Süni İntellekt Strategiyasını Təyin Etmək — Şirkətdə süni intellektin hansı sahələrdə tətbiq ediləcəyini və hansı faydalar gətirəcəyini müəyyənləşdirmək lazımdır.
- Düzgün Komanda Qurmaq — Sİ üzrə mütəxəssislərlə işləmək və təşkilatdakı əməkdaşların Sİ biliklərini artırmaq liderlər üçün önəmlidir.
- Kiçik Layihələrə Başlamaq — Süni intellektin effektivliyini görmək üçün əvvəlcə kiçik pilot layihələr həyata keçirmək və nəticələrini qiymətləndirmək.
Liderlər üçün əsas sual belədir: Süni intellekt yarışında iştirak etməyə hazırammı? Bu texnologiyanın biznesimə təsirini kifayət qədər tez qiymətləndirirəmmi? Əgər cavabınız “xeyr”dirsə, strategiyanızı yenidən nəzərdən keçirməyin vaxtıdır.
