Microsoft Polşanın Kibertəhlükəsizlik sistemini gücləndirmək məqsədilə 700 milyon dollar əlavə investisiya edəcəyini açıqlayıb. Bu investisiya şirkətin 2020-ci ildə Polşada üç yeni verilənlər mərkəzi qurmaq üçün ayırdığı 1 milyard dollarlıq planının ikinci mərhələsini təşkil edir.
Şirkət Polşadakı verilənlər mərkəzlərinə əlavə olaraq, ölkənin kiber müdafiə gücünü artırmağı planlayır. 2023-cü ildən fəaliyyət göstərən bu mərkəzlər Polşadakı şirkətlərə və dövlət qurumlarına yüksək təhlükəsizlikli bulud xidmətləri təqdim etməyə başlayıb.
Yeni investisiya, həmçinin Polşanı Orta və Şərqi Avropada mühüm texnologiya mərkəzinə çevirməyi hədəfləyir. Microsoft bu addımla Polşanın Kibertəhlükəsizlik sahəsindəki gücünü artırmaqla yanaşı, bulud xidmətlərini daha geniş auditoriyaya təqdim etməyi planlayır.
