İnnovasiya və Rəqəmsal İnkişaf Agentliyinin (İRİA) dəstəyi və “IGDA Azerbaijan”ın təşkilatçılığı ilə fevral ayından etibarən Naxçıvan şəhərində oyun tərtibatına marağı olan gənclər üçün ödənişsiz təlim proqramı həyata keçiriləcək.
Bu proqram çərçivəsində keçiriləcək təlimlər və masterklaslar iştirakçılara oyun dizaynı və proqramlaşdırma sahəsində praktiki bilik və bacarıqlar qazandıracaq. Təlimlər oyun dizaynının əsas prinsiplərindən tutmuş oyun mühərriklərində proqramlaşdırmaya qədər geniş mövzuları əhatə edəcək.
Peşəkar təlimçilərin rəhbərliyi altında təşkil olunacaq 12 tədbirdən ibarət bu proqram oyun tərtibatı sahəsində karyera qurmaq istəyən gənclər üçün əhəmiyyətli imkan yaradacaq.
Təlimlərin müddəti: Fevral - May 2025
Məkan: Naxçıvan Universiteti (giriş yalnız qeydiyyatdan keçənlər üçün açıqdır)
Proqramın sonunda iştirakçılar öyrəndikləri bilikləri tətbiq etmək üçün xüsusi oyun hakatonunda iştirak edəcəklər.
Qeydiyyat linki: https://shorturl.at/Tr2Q0
