Nike yeni ISPA Link ayaqqabı modellərini təqdim edib

Nike yeni ISPA Link ayaqqabı modellərini təqdim edib. Qeyd edək ki, Nike-ın istehsal etdiyi ayaqqabılar maraqlı dizayna malikdir. Bu dizayn vasitəsilə ayaqabını söküb təkrar emal etmək olar. Əldə olunan məlumatlara görə, ISPA qəlibləri sındırmağa və məhsulları yenidən dizayn etməyə imkan verən dizayn fəlsəfəsidir. ISPA komandası brendin innovativ imkanlarını nümayiş etdirən və onun hazırlanmasını dairəvi dizaynda nəzərdə tutan iki yeni ayaqqabı modelini təqdim edib. 30 ildən artıqdır ki, Nike komandaları idmançıların və planetin xidmətində dizayn həlləri axtarırlar. Onlar yüksək performanslı ayaqqabılar və simvolik həyat tərzi siluetləri yaratmaq üçün təkrar emal edilmiş məzmundan istifadə edirlər (Alphafly Next Nature, Move to Zero kolleksiyaları). ISPA komandası "sökülmə" kimi dairəvi dizayn prinsipini və ya məhsulun tərkibini təkrar emal etmək üçün asanlıqla sökmək qabiliyyətini ayaqqabı dizaynında tətbiq olunası ən çətin prinsiplərdən biri kimi qiymətləndirib. Ənənəvi olaraq, dizaynerlər elastik və davamlı ayaqqabı istehsalına nail olmaq üçün yapışqan və digər vasitələrdən istifadə edirlər, lakin bu, ayaqqabının sökülməsini və təkrar emalını demək olar ki, qeyri-mümkün edir.