Nvidia ABŞ-nin ixrac məhdudiyyətlərinə baxmayaraq, Çində süni intellekt çipləri satmaq üçün yeni yollar axtarır. Şirkət Financial Times-ın məlumatına görə, sentyabr ayında xüsusi olaraq Çin bazarına uyğunlaşdırılmış yeni AI çipini təqdim etməyi planlaşdırır.
Bu çip, Nvidia-nın Blackwell RTX Pro 6000 prosessoruna əsaslanacaq, amma mövcud məhdudiyyətlərə uyğun olaraq yüksək bant genişliyi yaddaşı və NVLink kimi qabaqcıl xüsusiyyətləri əhatə etməyəcək. NVLink şirkətin yüksək sürətli və aşağı gecikməli əlaqə interfeysidir.
Keçən ay Nvidia-nın CEO-su Jensen Huang bildirib ki, şirkət Çin bazarını gəlir və mənfəət proqnozlarından çıxarıb. Lakin bu addım uzunmüddətli olmaya bilər.
Nvidia mövzu ilə bağlı şərh verməyib, lakin şirkət nümayəndəsi bildirib ki, hazırkı ixrac nəzarətləri səbəbindən Nvidia demək olar ki, Çin məlumat mərkəzi bazarından kənarda qalıb və bu bazar daha çox Huawei kimi rəqiblər tərəfindən təmin edilir.
Çin, dünya üzrə ən böyük proqramçı topluluqlarından birinə sahibdir və açıq mənbə əsaslı süni intellekt modelləri ilə qeyri-hərbi tətbiqlər yaradır. Nvidia bildirir ki, təhlükəsizlik önəmlidir, amma bu tətbiqlərin hər biri ABŞ-nin süni intellekt platformasında ən yaxşı şəkildə işləməlidir.
