Generativ süni intellekt (AI) hakerlərə yeni alətlər təqdim edib. İndi saxta şəkillər yaratmaqdan tutmuş, saxta qəbzlər hazırlamağa qədər bir çox şirkət kiberhücuma məruz qalıb. OpenAI bu təhlükələrə qarşı mübarizə aparmaq məqsədilə kibertəhlükəsizlik sahəsində ilk investisiyasını edib. OpenAI, Adaptive Security startapına $43 milyonluq investisiya edib.
New Yorkda yerləşən Adaptive Security, süni intellekt tərəfindən yaradılan "haker hücumlarını" simulyasiya edərək işçiləri bu təhdidləri tanımağa və onlara qarşı mübarizə aparmağa öyrədir. Məsələn, bir işçi CTO-dan doğrulama kodu istəyən zəng ala bilər, amma bu, saxta zəng olacaq. Bu texnologiya yalnız telefon zənglərini deyil, həm də SMS və e-mailləri saxtalaşdıraraq işçiləri təhlükələrə qarşı daha hazırlıqlı edir.
Adaptive Security, əsasən sosial mühəndislik hücumlarına fokuslanır. Bu hücumlar sadə olsa da, çox zərərli ola bilər. Məsələn, 2022-ci ildə Axie Infinity bu cür hücum nəticəsində 600 milyon dollar itirmişdi.
Adaptive Security-nin CEO-su Brian Long bildirib ki, süni intellekt alətləri ilə bu hücumlar daha asan həyata keçirilir. Şirkət artıq 100-dən çox müştəriyə xidmət göstərir və müsbət rəy alaraq OpenAI-nin investisiya qoymasına səbəb olub.
Yeni maliyyə vəsaitləri ilə Adaptive Security, məhsulunu inkişaf etdirməyə və AI sahəsindəki təhdidlərə qarşı mübarizədə irəliləməyə davam edəcək. AI ilə bağlı təhdidləri qarşısını almağa çalışan digər startaplar da var, məsələn, Cyberhaven, hansı ki, şəxsi məlumatları qorumağa yönəlmiş $100 milyon yatırım alıb.
Bu, OpenAI-nin kiber təhlükəsizlik sahəsinə olan marağının artdığını və AI təhdidləri ilə mübarizə sahəsində daha çox innovasiyaların gələcəyini göstərir.
