ABŞ Müdafiə Nazirliyi Scale AI ilə 500 milyon dollarlıq yeni müqavilə bağlayıb. Müqavilə çərçivəsində startap hərbi məlumatların emalı və qərarvermə proseslərinin dəstəklənməsi üçün süni intellekt həlləri təqdim edəcək.
Yeni razılaşma Scale AI-nin 2025-ci ilin sentyabrında Pentaqonla imzaladığı 100 milyon dollarlıq müqavilədən beş dəfə böyükdür. Startap hazırda ABŞ ordusunun digər süni intellekt layihələrində də iştirak edir.
Müqavilənin imzalanması ABŞ müdafiə naziri Pete Hegsethin 2026-cı ilin yanvarında süni intellekt texnologiyalarının daha geniş tətbiqini təşviq edən memorandumundan sonra baş verib.
Pentaqon eyni zamanda məxfi hərbi şəbəkələr üçün Nvidia, Microsoft, Reflection AI və Amazon ilə də süni intellekt sahəsində əməkdaşlıq razılaşmaları imzalayıb.
