Intel ABŞ Ticarət Departamentindən 2.2 milyard dollar qrant alıb. Bu barədə şirkət maliyyə hesabatında məlumat verib. Şirkətin maliyyə direktoru Dave Zinsner bildirib ki, Intel 2024-cü ilin sonunda 1.1 milyard dollar və 2025-ci ilin yanvar ayında daha 1.1 milyard dollar qrant alıb. Bu qrantlar şirkətin müəyyən hədəflərə çatmasına əsaslanır. Digər 5.66 milyard dollar isə qrant hələ ödənilməyib.
2022-ci ildə qəbul olunan “U.S. CHIPS and Science” Qanunu çərçivəsində, Intel ümumilikdə 7.86 milyard dollar qrant alıb. Şirkət bu maliyyəni ABŞ-ın Arizona, Yeni Meksiko, Ohio və Oregon ştatlarında çip istehsalı və çipləri birləşdirərək daha inkişaf etmiş üsullarla paketləmək üçün istifadə etməyi planlaşdırır. Bu qanun, ABŞ-da çip istehsalını artırmaq məqsədilə qəbul olunub və ümumilikdə 52 milyard dollar vəsait ayrılıb.
Zinsner bildirib ki, Intel şirkəti Trump administrasiyası ilə əlaqə saxlayıb və administrasiya ABŞ-da yarımkeçirici istehsalını gücləndirməyi dəstəkləyir. Şirkət gələcəkdə də bu administrasiya ilə əməkdaşlıq etməyə davam etməyi planlaşdırır.
