Azərbaycanda avtomobil paylaşım xidməti olan Rentbutik adlı yeni startap xidmətə başlayıb. Rentbutik avtomobil sahibləri ilə onların avtomobillərini icarəyə götürənləri birləşdirən mobil tətbiqdir. Tətbiq vasitəsi ilə avtomobil sahibləri qeydiyyatdan keçməklə avtomobillərini platformada yerləşdirə, avtomobilin günlük, həftəlik, aylıq qiymətlərini təyin etməklə yanaşı, avtomobilin mövcud olduğu tarixləri, yaş məhdudiyyəti, günlük kilometraj limiti seçimlərini etməklə proqramın bir çox xüsusiyyətlərindən yararlana bilərlər.
Azərbaycanda ilk dəfə olaraq Rentbutik tətbiqində günlük qəza sığorta paketləri mövcuddur ki, bu da avtomobil sahiblərinə səyahət boyunca avtomobillərini sığortalamaq kimi üstünlük verir. Tətbiqin digər üstünlüklərindən biri də onlayın yol vərəqəsi sistemidir. Hansı ki, avtomobil sahibləri Rentbutikə etibarnamə verməklə hər dəfə icarə prosesində tətbiq, avtomatik olaraq yol vərəqəsi yaradıb, həm avtomobil sahibinin həm də icarəyə götürən şəxsin elektron poçt ünvanlarına göndərəcəkdir.
Rentbutik avtomobil sahiblərinə əlavə gəlir mənbəyi yaratmaqla yanaşı avtomobil icarəyə götürmək istəyən şəxslərin də işini xeyli asanlaşdırmış olacaqdır.
Startap avtomobillərin icarəsi xidmətini bir tətbiqlə sürətli şəkildə təqdim edir. Həm avtomobil icarəyə vermək, həm də icarəyə götürmək artıq daha asandır. Ətraflı bu linkdən məlumat əldə edə bilərsiniz.
