İlon Mask və Mark Zukerberq arasında həftələrdir planlaşdırılan qəfəs döyüşü qarşılıqlı açıqlamalardan sonra dalana dirənib. Uzun müddət qəfəs döyüşünü nə vaxt və harada edəcəklərinə qərar verə bilməyən ikiliyə təklif Türkiyənin keçmiş sənaye və texnologiya naziri Mustafa Varankdan gəlib.
İlk dəfə Las-Veqasda qarışıq döyüş sənətləri təşkilatı UFC-ni seçən ikili tezliklə bu qərarından vaz keçərək İtaliyadan gələn cazibədar təkliflə yolunu Qədim Romaya çevirdi. Keçmiş sənaye və texnologiya naziri Mustafa Varank isə ictimaiyyətin və medianın çox yaxından izlədiyi tarixin tozlu səhifələrində qızıl hərflərlə yerini alacaq tarixi qarşılaşmada Türkiyəni namizəd kimi göstərib.
İlon Maskın X-də qəfəs döyüşləri ilə bağlı bütün sual işarələrini şəxsi hesabından silmək üçün verdiyi açıqlamadan sitat gətirən Varank, "Ölkəmizdə neft güləşinin dinc hesablaşma vasitəsi kimi yeri var. Bu işi layiqincə yerinə yetirmək üçün sizə göndəririk. Türkiyənin “Ər Meydanı”na dəvət edirik” deyib.
