Spotify 220 milyon premium abunəçiyə və 551 milyon aylıq aktiv istifadəçiyə çatdığını açıqlayıb.
Spotify dünən qlobal artım xəbəri ilə istifadəçiləri təəccübləndirib. Məlumatlara görə Spotify 220 milyon premium və 551 milyon aktiv aylıq istifadəçiyə çatıb. Bu, ötən ilin müvafiq dövrü ilə müqayisədə müvafiq olaraq 27% və 17% artım deməkdir. Aprel ayında platformanın 210 milyon premium və 515 milyon aktiv istifadəçisi var idi. Bununla belə, qeyd etmək lazımdır ki, bu rəqəmlərə iyunun 30-dək olan istifadəçilər daxildir.
Spotify istifadəçilərinin sayı artsa da, bir istifadəçiyə düşən orta gəlirinin azaldığını da bildirib. Şirkətin açıqlamasına görə hazırda bir istifadəçiyə düşən orta gəlir 4,27 avro təşkil edir ki, bu da ötən ilin eyni dövrü ilə müqayisədə 6% azalma deməkdir.
Spotify-ın ikinci rübdə 3,18 milyard avroluq gəliri abunə gəlirlərində 11%, reklam gəlirlərində isə 12% artımı əks etdirir. Şirkət həmçinin qeyd edib ki, podcast reklam gəlirləri bu rübdə yenidən sürətlənib və illik müqayisədə 30%-dən çox artıb.
