Sumqayıtda yerləşən “İstedad” liseyinin nəzdində STEAM və “İnnovasiyalar” mərkəzinin açılışı olub.
Bu barədə Rəqəmsal İnkişaf və Nəqliyyat Naziri Rəşad Nəbiyev Facebook hesabında məlumat paylaşıb.
"Hörmətli həmkarım, elm və təhsil naziri Emin Əmrullayevlə birgə Sumqayıt şəhərində yerləşən “İstedad” liseyinin nəzdində STEAM və İnnovasiyalar Mərkəzinin açılışında iştirak etdik. Rəqəmsal İnkişaf və Nəqliyyat Nazirliyi və Elm və Təhsil Nazirliyinin dəstəyi ilə yaradılan mərkəzdə riyaziyyat, kimya, informatika, robotiks sahələrində istedadlı şagirdlər aşkar edilərək potensialları inkişaf etdiriləcək, onlar yerli və beynəlxalq olimpiadalara, müsabiqələrə hazırlanacaq."
Açılış zamanı Nazir müəllim və şagird heyəti ilə görüşüb
"Tədbir zamanı liseyin müəllim və şagirdləri ilə görüşdük, İKT, o cümlədən kibertəhlükəsizliklə bağlı bilikləri artırmağın yolları haqqında danışdıq."
