Süni intellekt həyatımızın bütün istiqamətlərində öz təsirini göstərir. Bir çox sahələrdə rahatlıq və sürət üçün süni intellektdən istifadə edilir. Xüsusi ilə fotoların generasiyasında süni intellekt heyrətləndirici imkanlara sahibdir. Azərbaycan dövlət qurumları da bu imkanlardan istifadə etməyə başlayıb.
Elm və Ali Təhsil üzrə Dövlət Agentliyinin yeni loqosu təqdim edilib. Süni intellektin imkanları ilə hazırlanan yeni loqo elm və təhsilin inteqrasiyasını ifadə edir. Atom həlqələri gerbimizdə təsvir olunan səkkizguşəli ulduzu, mərkəzdə yerləşən kitab maarif və bilik mənbəyini, mavi rəng sabitlik və etibarlılığı simvolizə edir.
28 iyul 2022-ci il tarixində Azərbaycan Respublikasında elm və təhsil sahəsində idarəetmənin təkmilləşdirilməsi ilə bağlı bəzi tədbirlər haqqında Azərbaycan Respublikası Prezidenti Elm və Ali Təhsil üzrə Dövlət Agentliyinin yaradılması haqqında Fərman vermişdir.
