Kaspi.kz şirkətinin təsisçiləri Vyaçeslav Kim və Mixail Lomtatze ilə görüşüb.
Prezident Tokayevə şirkətin fəaliyyəti ilə bağlı nəticələr və kiçik və orta biznesi təşviq etmək üçün yeni xidmətlərin yaradılması planları barədə məlumat verilib.
Dövlət başçısına təqdim olunan məlumata görə, hazırda təxminən 700,000 yerli sahibkar Kaspi.kz-in təqdim etdiyi texnologiyalardan istifadə edərək öz bizneslərini qururlar. 2024-cü ilin yalnız ilk altı ayında mallar və xidmətlər üçün təxminən 25.2 milyard ABŞ dolları dəyərində nağdsız ödənişlər həyata keçirilib, həmçinin Kaspi.kz mobil tətbiqi vasitəsilə 150,000 fərdi sahibkar qeydiyyatdan keçib.
Bu ilin altı ayı ərzində şirkət hökumət orqanları ilə birlikdə yaratdığı onlayn xidmətlər vasitəsilə təxminən 2.31 milyard ABŞ dolları dəyərində vergi və digər ödənişləri büdcəyə köçürüb.
Görüş zamanı Prezident Tokayev ölkədə kiçik və orta biznesin daha da təşviq edilməsinin vacibliyini vurğulayaraq, Kaspi.kz səhmdarlarına dəstəyini ifadə edib.
Mixail Lomtadze Azərbaycanda internet istifadəçilərinin ən çox ziyarət etdikləri saytlardan 4-nün - “turbo.az”, “tap.az”, “boss.az” və “bina.az”ın sahibidir. O bu saytları 2019-cu ildə satın alıb. 48 yaşlı M.Lomtadze 5,8 milyard dollar sərvəti ilə Forbes milyaderlər siyahısında 581-ci pillədədir.
