“WhatsApp” istifadəçilərinə telefonun oğurlanması və ya itirilməsi halında hesablarını deaktiv etmək imkanı təklif edir. Lakin bu funksiyanın istifadəsinə nəzarətin olmaması sui-istifadə riskini artırır. Jake Moore WhatsApp-ın yardım mərkəzindəki addımları izləyərək "Oğurlanmış/İtirilmiş Telefon: Zəhmət olmasa, mənim hesabımı deaktiv edin" ifadəsini və telefon nömrəsini WhatsApp dəstək poçtuna göndərdikdə, hesabının heç bir doğrulama olmadan asanlıqla deaktiv olduğunu bildirib.
Bu zəiflik xüsusiyyətin məqsədindən kənara çıxa biləcəyini göstərir. Başqa sözlə desək, istənilən şəxs yuxarıdakı addımları yerinə yetirməklə istədiyi WhatsApp hesabını asanlıqla deaktiv edə bilər.
Lakin hesabın deaktiv edilməsi hesabın tamamilə silinməsi demək deyil. İstifadəçilər 30 gün ərzində hesaba daxil olaraq bütün məlumatlarına daxil olmağa davam edə bilərlər. Lakin bu müddəti keçən hesablar həmişəlik silinəcək. Buna görə də, istifadəçilərin hesablarını qorumaq üçün ayıq olmaları və hesab təhlükəsizliyinə diqqət yetirmələri vacibdir.
