Amerika fond birjası NASDAQ Yandex-in etirazını qəbul edib və şirkətin səhmlərini delistinq etməyəcəyini açıqlayıb.
Yandex bildirib:
“NASDAQ investorların maraqları və şirkətin planlaşdırılan restrukturizasiyası da daxil olmaqla, Yandex-in müraciətindəki arqumentləri nəzərə alıb. Bu çərçivədə Yandex rəhbərliyinin nəzarəti altında Yandex-in biznesinin əsas hissəsini ayrı bir şirkətlər qrupuna bölmək lazımdır.”
Beləliklə, Yandex qiymətli kağızları birjada listinqdə qalmağa davam edəcək, lakin ticarətin dayandırılması qərarı qüvvədə qalacaq. Yandex-in səhmləri adi qaydada Moskva Fond Birjasında satılır.
Qeyd edək ki, Yandex 2023-cü ilin martında delistinq barədə bildiriş alıb. Həmçinin martın ortalarında NASDAQ Qiwi, Ozon və Headhunter səhmlərinin delistinqini də elan edib.
