YouTube TV-ə 30 saniyəlik reklamlar gətiriləcək

YouTube TV-dəki yüksək performanslı videolara 30 saniyəlik izlənilməsi məcburi reklamlar əlavə ediləcək.
İzləyicilər iki ardıcıl 15 saniyəlik reklam əvəzinə 30 saniyəlik tək bir reklam görəcəklər, lakin bu qısa reklamların tamamilə yox olacağı mənasına gəlmir. 30 saniyəlik reklamlar, YouTube məzmununun ilk beş faizini hədəfləyən, seçilmiş reklam platforması olan YouTube Select vasitəsilə reklamçılar üçün əlçatan olacaq. İddia edilir ki, YouTube Select göstəricilərinin 70 faizi televizorlardan gəlir və bu, onu daha uzun reklamlar üçün ideal platforma edir. “İzləyicilər getdikcə daha böyük ekranda YouTube-a baxmağa yönəlirlər”, - deyə YouTube-un baş direktoru Neal Mohan Brandcast tədbiri zamanı bildirib.
Youtube bu yenilik ilə izləyiciləri reklamsız şəkildə videolara baxa bilmək üçün YouTube Premium-a abunə olmağa təşviq etmək istəyir.