ABB-nin (Azərbaycan Beynəlxalq Bankı) 1 mln. manat nizamnamə kapitalı ilə yeni törəmə şirkəti təsis edilib.
Yeni təsis edilən şirkət “ABB-İnnovasiya” Məhdud Məsuliyyətli Cəmiyyətidir. Şirkət 19 mart tarixində Dövlət Vergi Xidməti tərəfindən qeydiyyata alınıb. ABB-nin yeni rəsmi innovasiya şirkəti yaratması onun startaplara investisiya etməsini gündəmə gətirir. Belə ki, bu istiqamətdə ölkədə son bir neçə ildə yeni fondlar qurulur. İnnovasiya sektorundə aparıcı bank olan ABB "ABB Innovation" ilə inkubasiya proqramları keçirir.
Şirkətin direktoru Həsən Eminov Etibar oğludur və Bakı şəhəri Nəsimi rayonu, Nizami, ev 67-də dövlət qeydiyyatına alınıb. H.Eminov 2022-ci ilin martından bankın Agile ofisinə rəhbərlik edir.
Qeyd edək ki, 13 dekabr 2024-cü il tarixində qiyabi şəkildə ABB Səhmdarlarının növbədənkənar Ümumi Yığıncağı keçirilmişdi və həmin vaxt törəmə innovasiya şirkətinin yaradılması məsələsinə baxılaraq müsbət qərar qəbul edilmişdi.
