ABŞ Ədliyyə Nazirliyi, İranın nüvə silahı istehsalında istifadə edə biləcəyi nüvə materiallarını Myanmadan qaçaqmalçılıq yolu ilə çıxarmaq cəhdi təşkil edən yapon cinayətkar təşkilat rəhbərini ittiham edib.
ABŞ Narkotiklərlə Mübarizə Agentliyinin (DEA) rəhbəri Anne Milgram, 60 yaşlı Takeşi Ebisava və 61 yaşlı digər təqsirləndirilən şəxs Somfop Singhasirinin narkotik, silah və nüvə materiallarının qaçaqmalçılığı ilə məşğul olduğunu bildirib. O əlavə edib ki, onlar "nüvə silahı istehsalında istifadə edilə biləcəyini gözlədikləri uran və silah keyfiyyətli plutoniumu İrana təqdim etməyi planlaşdırıblar."
Nazirlik açıqlamasında hər iki şəxsin həbs edilməsi üçün əmrin verildiyini qeyd edib.
Baş prokuror müavini Matthev Olsen bildirib ki, Ebisawa, Myanmadan nüvə materialları və ölümcül narkotik maddələrin satılması, eləcə də silahlı qiyamçı qrup üçün hərbi silahların alınmasında ittiham olunur.
Hər iki şəxsə qarşı 2022-ci ildə beynəlxalq narkotik qaçaqmalçılığı və atəşli silahlarla bağlı cinayətlərə aid ittiham irəli sürülmüşdü. Yeni ittihamlar əvvəlki iddianaməyə əlavə edilib.
