SpaceX-in Almaniyadakı rəqibi Isar Aerospace startapı 165 milyon dollar (155 milyon avro) investisiya alıb
Bildirilir ki, investisiya raundunda 7-Industries Holding, Scale Up Fund Bavaria, Earlybird Venture Capital, HV Capital, Lakestar, Lombard Odier İnvestisiya Menecerləri, Porsche Automobil Holding SE (Porsche SE), UVC Partners və Vsquared Ventures iştirak edib.
2018-ci ildə qurulan Isar Aerospace komandası 40 müxtəlif millətdən olan 300-dən çox işçiyə ev sahibliyi edir. Bundan əlavə, Isar Aerospace-in istehsal mərkəzi Münhendə yerləşir.
Qeyd edək ki, startapın Spectrum daşıyıcı raketi Norveçdəki buraxılış meydançasından kiçik və orta ölçülü peykləri orbitə yerləşdirmək üçün nəzərdə tutulub. Spectrum ilk uçuşunu 2023-cü ilin ikinci yarısında etməyi planlaşdırır. Isar bu investisiyadan raketin ilk uçuşunda irəliləyiş əldə etmək üçün istifadə edəcək. Startapın maliyyə direktoru David Kovnatorun sözlərinə görə, startapın indiyədək əldə etdiyi investisiyanın məbləği 330 milyon dolları keçib. Kovnator maliyyə məlumatlarını detallı açıqlamasa da, bu yeni investisiya raundu ilə startapın dəyərləndirməsinin 2021-ci ildəkindən xeyli yüksək olduğunu qeyd edib.