Apple-in qapı zəngi, evdə quraşdırılmış digər istehsalçıların ağıllı qıfıllarına qoşulacaq. Əsas şərt onların Apple-ın HomeKit protokoluna uyğun işləməsidir.
Fikir çox sadədir: Face ID texnologiyasını qapıya inteqrasiya etmək və qapını darıxdırıcı açarlarla, kartlarla, kodlarla və ya barmaq izləri ilə deyil, üz tanıma texnologiyası ilə açmaq. Bloomberg-dən Mark Qurmanın məlumatına görə, qapı zəngi simsiz protokol vasitəsilə işləyəcək. Onun fikrincə, zəngdə Apple tərəfindən hazırlanmış Proxima çipi, həmçinin şirkətin öz Wi-Fi və Bluetooth modulları olacaq.
Bütün bu məlumatlar, Apple-ın ağıllı ev idarəetməsi üçün bir mərkəz və öz təhlükəsizlik kameralarını hazırladığı barədə şayiələrlə üst-üstə düşür. Bu qapı zəngini yaxın zamanlarda gözləmək lazım deyil — ən azı bir ildən sonra bazara çıxarılması gözlənilir.
