Uvodo kiçik bizneslər üçün e-ticarət platformasıdır. Onun missiyası sadə və gəlirli e-ticarət platformasını qurmaqdır. Uvodo vasitəsilə asanlıqla onlayn mağaza açmaq, heç bir komissiya və əməliyyat haqqı olmadan gəlirliliyi artırmaq, onlayn mağazanı mobil cihazdan idarə etmək mümkündür. Məqsəd kiçik bizneslərin böyüməsinə, daha çox pul qazanmasına və onlayn satışın mümkün qədər sadə olmasına kömək etməkdir.
Uvodo sayəsində kiçik bizneslər öz onlayn mağazalarını bir dəqiqə müddətində yarada bilərlər. Hazırda Uvodo ProductHunt-da təqdim edilib. Startapa buradan dəstək ola bilərsiniz.
Əvvəlki e-ticarət layihələri, o cümlədən sonuncusu - Nextsale (2021-ci ildə satılıb) sayəsində Uvodo komandası onlayn satışla məşğul olan şəxslərin üzləşdiyi çətinliklərlə bağlı önəmli fikirlər əldə ediblər. Shopify, BigCommerce və WooCommerce kimi böyük e-ticarət platformalarından olan satıcılarla əlaqə yaradaraq e-ticarət platformaları ilə bağlı problemləri müəyyən ediblər.
Onlar aşkar ediblər ki, e-ticarət platformalarında ya ölkəyə xas ödəniş inteqrasiyaları yoxdur (Flutterwave, Razorpay, Mercado Pago və s.), ya da ki, yüksək komissiya haqqı tutulur. Həmçinin, avtomatlaşdırma və çevirmə alətləri ilə tam funksional onlayn mağazalara sahib olmaq üçün satıcılar əlavə xərclər müqabilində 10-20 üçüncü tərəf proqramları və ya plaginləri quraşdırmalıdırlar.
Satıcının olduğu ölkəyə görə dəyişən spesifik ödəniş metodları, konvertasiya və avtomatlaşdırma alətlərinə olan tələbatı dərk edərək, bu daxili tətbiqlər ilə Uvodo yaradılıb.
