Azərbaycan Respublikası Müdafiə Sənayesi Nazirliyi və "Azərsilah" Müdafiə Sənayesi Holdinqinin dəstəyi ilə yeni bir intensiv inkişaf proqramı təqdim edilir. DEFAGE Bootcamp, müdafiə sənayesindəki yenilikləri izləmək və bu sahədəki texnoloji inkişaflarda rol oynamaq istəyən gənclər üçün unikal bir imkan yaradır.
Proqram, elektronika, proqramlaşdırma, dizayn, mexanika və digər texniki sahələrdə bilik və bacarıqlara sahib olan gəncləri məqsəd alaraq, onların müdafiə sənayesindəki ən son inkişaflarla tanış olmasına şərait yaradacaq.
DEFAGE Bootcamp-in təqdim etdiyi əsas imkanlar arasında:
- 3 ay ərzində nəzəri və praktiki təlimlər
- 1 ay real layihə üzərində komanda işi
- Mentor dəstəyi və təcrübə proqramları
- Təqaüdlər və sənaye müəssisələrində fəaliyyət imkanları
- Müdafiə sənayesi ekosisteminə birbaşa inteqrasiya
Bu proqram müdafiə sənayesi sahəsindəki ən son trendləri öyrənmək, praktiki təcrübə qazanmaq və həmçinin sahə üzrə böyük təcrübəyə sahib mentorlarla çalışmaq istəyən gənclər üçün geniş imkanlar təqdim edir.
Qeydiyyat 10 aprel – 10 may tarixləri arasında açıqdır. Əgər siz də bu proqramda iştirak etmək istəyirsinizsə, müraciət üçün www.azersilah.com/defage saytını ziyarət edə bilərsiniz.
Gələcəyin müdafiə sənayesi texnologiyalarını yaratmaqda yerinizi alın!
