Dropbox istifadəçilərin sənədlərlə işləməsini asanlaşdırmaq məqsədilə süni intellekt inteqrasiyalarını genişləndirib. Yenilik sayəsində istifadəçilər Dropbox məzmununa birbaşa ChatGPT, Claude və Google Gemini Spark üzərindən çıxış əldə edə, faylları təşkil edə, paylaşa və çoxmərhələli iş proseslərini idarə edə biləcəklər.
2026-cı ilin iyulunda təqdim edilən yenilik ChatGPT Work, ChatGPT və ChatGPT Codex platformalarını əhatə edir. İyun ayında isə Dropbox Anthropic-in Claude, Claude Cowork və Claude Code xidmətləri ilə inteqrasiyanı istifadəyə vermişdi. Həmin ay Google də Gemini Spark üçün Dropbox inteqrasiyasını elan edib.
Şirkət bildirir ki, bu addım onun Dash adlı AI iş mühiti strategiyasının tərkib hissəsidir. Dash müxtəlif iş tətbiqlərində məlumatların axtarışı və idarə olunması üçün vahid süni intellekt platforması kimi inkişaf etdirilir.
Dropbox həmçinin Model Context Protocol (MCP) serverlərindən istifadə edərək AI tətbiqlərinin fayllara mövcud icazələr əsasında təhlükəsiz çıxışını təmin edir. Administratorlar tətbiqlərə girişi məhdudlaşdıra, host edilən MCP serveri isə yalnız oxuma rejimində işləyir.
