Enis Hulli: "Azərbaycanda Qurulan, Qlobal və ABŞ Fokuslu Startaplara İnvestisiya Edə Bilərik"

Enis Hulli tanınmış türk investordur. O, texnologiya və startap ekosistemi sahəsində böyük təcrübəyə malik olmaqla, bir çox uğurlu startaplara dəstək olmuşdur. Enis Hulli 500 Startups Istanbul-un qurucu ortaq olaraq tanınır. Bu fond, Türkiyə və regiondakı innovativ texnologiya şirkətlərinə erkən mərhələdə dəstək vermək məqsədilə yaradılmış və bu müddət ərzində yüzlərlə startapa həm maliyyə dəstəyi, həm də mentorluq təmin etmişdir. İndi o e2vc fondunu qurub. e2vcfondu, əsasən, Türkiyə, Avropa və Yaxın Şərq bazarlarında texnologiya sahəsində fəaliyyət göstərən startaplara fokuslanır. Enis Hulli investor olaraq texnoloji trendləri yaxından izləməsi və innovativ fikirləri dəstəkləməsi ilə tanınır. Onun rəhbərliyi ilə həyata keçirilən layihələr yalnız yerli bazarlarla məhdudlaşmır, həm də qlobal səviyyədə rəqabətə davamlı məhsul və xidmətlər təqdim edir. O, sahibkarlıq ruhunun inkişafına verdiyi töhfə və regiondakı startap mədəniyyətinin formalaşdırılmasında oynadığı mühüm rol ilə tanınır.