Sinqapurda yerləşən vençur kapital (VC) fondu Golden Gate Ventures Qətər investorlarının 20 milyon dollarlıq investisiyaları ilə ilk 100 milyon dollarlıq MENA fondunu açdı. Fond MENA bölgəsinə daxil olmağı planlaşdırır.
"Golden Gate Ventures"dən verilən açıqlamaya görə, fondun aparıcı investorları arasında Al Khor Holding, Al Attiya Group və Şeyx Jassim Bin Jabor Al Thani var.
Bu, Qətər daxilində yaradılan və idarə olunan ilk beynəlxalq VC fondudur.
O, alternativ enerji, yaşıl texnologiya, biznesdən biznesə (B2B) süni intellekt (AI) və enerji ilə əlaqəli dərin texnologiya kimi sektorlarda startapların güclənməsinə diqqət yetirəcək. Fondun əhatə edəcəyi digər sektorlara fintech, sağlamlıq texnologiyaları və edtech daxildir.
“Biz sahibkarları dəstəkləmək, istedadları cəlb etmək, iş yerləri yaratmaq və birbaşa xarici sərmayələri cəlb etmək məqsədi daşıyırıq” deyə, fondun Qətər iqtisadiyyatına faydaları üzrə Golden Gate Ventures şirkətinin baş məsləhətçisi Hussain Abdulla bildirib.
MENA varlığını gücləndirmək və Qətər əlaqələrini dərinləşdirmək planları fonunda, Golden Gate Ventures-in tərəfdaşı Maykl Lints Qətərə köçüb.
Əl Khor Holdinqin nümayəndəsi bildirib ki, fond Qətərin sosial-iqtisadi mənzərəsi üçün nəzərəçarpacaq faydalar verəcək. “İnnovativ həllərin ortaya çıxmasını asanlaşdırmaqla, məşğulluq imkanları yaratmaqla və milli inkişaf gündəmini dəstəkləməklə, biz Qətərin 2030-cu ilədək vizyonunun həyata keçirilməsinə töhfə veririk”.
