Google oktyabrın 4-də keçirilən "Made by Google" tədbirində özünün ən yeni telefonları olan Pixel 8 və Pixel 8 Pro-nu rəsmi olaraq təqdim etdi. Bu yeni modellər Google-un ən son Tensor G3 prosessoru ilə təchiz olunub və bir çox innovativ xüsusiyyətlər gətirir.
Google Pixel 8 6,2 düymlük 120Hz yeniləmə sürəti ekranı, 2000 nits parlaqlıq, 50MP əsas kamera, 12MP ultra geniş kamera və 4485 mAh batareya tutumu ilə gəlir. Qiymət 128 GB yaddaş seçimi üçün 699 dollar, 256 GB üçün isə 759 dollar müəyyən edilib.
Google Pixel 8 Pro modeli 6,7 düymlük ekranı, dinamik 1-120Hz yeniləmə tezliyi, 2400 nits parlaqlığı və 5050 mAh batareya tutumu ilə seçilir. Onun kamerası 50MP əsas, 48MP telefoto (5x optik zoom) və 48MP ultra geniş obyektiv seçimlərinə malikdir. Pixel 8 Proda həmçinin termometr funksiyası var ki, bu funksiya vasitəsilə telefonla obyektlərin temperaturunu ölçmək mümkündür. Pro modelinin qiyməti 128 GB üçün 999 dollar, 256 GB üçün 1059 dollar və 1 TB üçün 1399 dollar müəyyən edilib.
Hər iki model Google-un ən son süni intellekt və maşın öyrənmə qabiliyyətinə malikdir. Bunlara mətni avtomatik ümumiləşdirən süni intellekt tərəfindən dəstəklənən Google Assistant, istənilməyən zəngləri bloklayan Zənglərin filtrasiyası funksiyaları daxildir.
Öncədən sifarişlər oktyabrın 4-də başlayıb və telefonlar oktyabrın 12-də satışa çıxarılacaq.
