GTA 5-in mənbə kodları sızdırılıb və iddiaya görə GTA 6 ilə birlikdə gözlənilən başqa bir oyunun məlumatları da ortaya çıxıb.
YouTuber SKizzle-a görə sızdırılmış mənbə kodu Bully 2 və GTA seriyasındakı növbəti, "Project Americas" kimi tanınan oyun haqqında da şifrələnmiş məlumatları ehtiva edir. SKizzleAXE bu iddianı təsdiqləmək üçün sızan GTA 5 mənbə kodunun ekran görüntüsünü paylaşıb.
Məlumata görə keçən il sızan GTA 6 oyununun görüntülərinin bu mənbə kodu sızması ilə əlaqəli ola biləcəyi düşünülür. Bully 2 haqqında məlumatın da mənbə koduna daxil edildiyi bildirilir. Bu hadisə Rockstar Games üçün ciddi məlumat pozuntusununa və istənməyən nəticələrə səbəb ola bilər.
