Intel tərəfindən açıqlanan rəsmi məlumatlara görə Arrow Lake və Lunar Lake prosessorları geniş təlimat dəstəyi ilə təqdim olunacaq. Paylaşılan sənəddə süni intellekt tapşırıqlarına diqqət yetirən AVX-VNNI-INT16, SHA512, SM3 və SM4 təlimatlarının prosessorlara daxil edildiyi göstərilir. Bu yolla Arrow Lake-S və Lunar Lake prosessorları süni intellekt sahəsində daha çox performans göstərə biləcək.
AVX-VNNI təlimatı prosessora neyron şəbəkələri üçün əməliyyatları daha səmərəli yerinə yetirməyə imkan verir. Bu, maşın öyrənməsini tələb edən tətbiqlərdə daha yaxşı performansla nəticələnir. Qeyd edilib ki, bu təlimatlar çox vacibdir, çünki son vaxtlar AI əsaslı proqramlar çox vaxt optimallaşdırılmır və yüksək hesablama performansı tələb edir.
