Innostart layihəsi regionlarda innovasiya ekosistemini sürətlə genişləndirir. 2025-ci ildə layihənin Gəncə, Sumqayıt, Lənkəran, Naxçıvan və digər şəhərləri əhatə etməklə daha geniş miqyasda icrası nəzərdə tutulur. Bu mərhələdə elektron ticarət təlimləri, ideatonlar və yeni inkubasiya proqramları da həyata keçiriləcək.
İnnovasiya və Rəqəmsal İnkişaf Agentliyinin (İRİA) dəstəyi və SUP.VC şirkətinin tərəfdaşlığı ilə həyata keçirilən “İNNOSTART” layihəsi, regionlarda yaşayan gənclərin innovasiya və startap bacarıqlarını inkişaf etdirməkdə davam edirməkdə davam edir.
2022-ci ildən etibarən icra olunan layihə çərçivəsində inkubasiya proqramları, hakatonlar, mentorluq sessiyaları, praktiki təlimlər və “Demo Day” tədbirləri təşkil edilir. Bütün bu fəaliyyətlər gənclərə texnologiya, sahibkarlıq və innovasiya sahələrində bilik qazanmaqla yanaşı, real bazar şəraitində praktiki təcrübə əldə etməyə şərait yaradır.
“İNNOSTART” xüsusilə regionlarda yaşayan gənclərin startap qurmaq, ideyalarını inkişaf etdirmək və investorlarla əlaqə qurmaq imkanlarını genişləndirir. Eyni zamanda, maarifləndirmə sessiyaları, icma tədbirləri və innovasiya müsabiqələri vasitəsilə iştirakçılar ölkənin innovasiya ekosisteminə inteqrasiya olunur.
Layihənin uğurla həyata keçirilməsində İnnovasiya və Rəqəmsal İnkişaf Agentliyinin institusional dəstəyi və Agentliyin İdarə Heyətinin sədri Fərid Osmanovun liderliyi mühüm rol oynayır. Onun təşəbbüsü ilə “İNNOSTART” iştirakçılarına yalnız ümumi təlimlər deyil, fərdi ehtiyaclara uyğunlaşdırılmış məsləhət və resurslar təqdim olunur. Bu isə layihənin daha sürətli, çevik və effektiv nəticələr verməsinə imkan yaradır.
Fərid Osmanovun strateji yanaşması regionlarda innovasiyanın dərinləşməsi, yerli potensialın aşkarlanması və gənclərin öz ideyalarını reallaşdırmaqda inamlı addımlar atmasına şərait yaradıb. Onun rəhbərliyi ilə Agentlik innovasiya təşəbbüslərinin lokallaşmasına xüsusi önəm verir və davamlı dəstək göstərir.
2025-ci ildə layihənin Gəncə, Sumqayıt, Lənkəran, Naxçıvan və digər şəhərləri əhatə etməklə daha geniş miqyasda icrası nəzərdə tutulur. Bu mərhələdə elektron ticarət təlimləri, ideatonlar və yeni inkubasiya proqramları da həyata keçiriləcək.
“İNNOSTART” layihəsi yalnız fərdi inkişaf vasitəsi deyil, eyni zamanda Azərbaycanın innovasiya ekosisteminin güclənməsinə və iqtisadi transformasiyasına ciddi töhfə verən strateji təşəbbüsdür.
Daha ətraflı məlumat və qeydiyyat üçün: www.innostart.az
