Nvidia və Abu Dabi Texnologiya İnnovasiya İnstitutunun (TII) əməkdaşlığı ilə qurulan bu laboratoriya, Nvidia-nın Yaxın Şərqdəki ilk süni intellekt texnologiya mərkəzi hesab olunur. Mərkəzin əsas məqsədi, süni intellektin imkanlarından istifadə edərək innovativ robototexnika layihələrini inkişaf etdirməkdir.
Laboratoriyada insansı robotlar, dördayaqlı robotlar və robotik qollar kimi layihələr üzərində işlər aparılacaq. Bu prosesdə Nvidia-nın qabaqcıl süni intellekt modelləri və yüksək hesablama gücündən istifadə ediləcək. Xüsusilə, robotik sistemlərin daha səmərəli işləməsi üçün “Thor” adlı xüsusi GPU çipinin tətbiqi planlaşdırılır.
Laboratoriyanın fəaliyyəti təkcə robototexnika ilə məhdudlaşmayacaq. İqlim, enerji və genomika kimi digər əhəmiyyətli sahələr üçün də süni intellekt həlləri inkişaf etdiriləcək. Robototexnika tərəfində isə logistika və nəqliyyat xüsusi prioritet daşıyacaq.
Abu Dabi hökumətinin Təkmil Texnologiya Tədqiqat Şurasına (Advanced Technology Research Council) bağlı fəaliyyət göstərən TII, BƏƏ-nin süni intellekt sahəsində qlobal bir mərkəzə çevrilmə hədəfinin mühüm bir hissəsidir. Bu tərəfdaşlıq, Birləşmiş Ərəb Əmirliklərinin texnologiyaya qoyduğu sərmayələri artıracaq, elmi-tədqiqat infrastrukturunu gücləndirəcək və beynəlxalq əməkdaşlıqlar sayəsində qabaqcıl texnologiyalara daha sürətli çıxış imkanı yaradacaq.
Yeni mərkəzdə hər iki tərəfdən mütəxəssislər çalışacaq və layihələr üçün yeni kadrlar cəlb olunacaq.
