Ali məktəblər üçün "PHP Web proqramlaşdırma dili" kitabı çap edilib. Kitab PHP-ə yeni başlayanlar, universitet tələbələri və proqramlaşdırmanı addım- addım öyrənmək istəyənlər üçün dərslik kimi təqdim edilib. Həmçinin kitabdan PHP bilikləri olan şəxslər isə stolüstü sorğu kitabçası kimi istifadə edə bilər.
Kitab PHP-nin quraşdırılması, işləməsi, proqramdan istifadə, nümunə kodları, təhlükəsizliklə əlaqədar 15 bölməni əhatə edir. Hər bir bölmədə verilən mövzunun daha dərindən başa düşülməsi üçün proqram nümunələri, praktik tapşırıqlar və həlləri təqdim edilib.
Kitabın müəllifləri Zend Certified PHP Engineer, Certified Ethical Hacker sertifikatlı Rəşad Əliyev və texnika elmləri doktoru Ələkbər Əliyevdir.
"PHP Web proqramlaşdırma dili" kitabı artıq "LIBRAFF Mağazalar Şəbəkəsi"-də satışdadır. Kitabı buradan korporativ sifariş edə bilərsiniz. Həmçinin kitabıdan Xəzər Universiteti Kitabxanası, Bakı Dövlət Universiteti Kitabxanası, Prezident Kitabxanası, Axundov Adina Milli Kitabxana, Səbail rayon MKS-nin Mərkəzi Kitabxanalarından da oxucu kimi faydalanmaq mümkündür.
