ChatGPT, Google Bard və gündəlik iş axınını avtomatlaşdıra bilən digər platformaların artması ilə dünyada 300 milyon iş yeri avtomatlaşdırılma riski ilə üzləşə bilər.
Məsələ ilə bağlı "Goldman Sachs" iqtisadçıları bildiriblər ki, əmək bazarı əhəmiyyətli pozulmalara məruz qalacaq. Onların proqnozlarına görə, işlərin 18%-i kompüterləşdirilə bilər. Bu səbəbdən işlərini itirmək riski ilə ən çox inzibati işçilər və hüquqşünaslar üzləşəcək. Bununla belə, əl əməyi və açıq hava işləri tələb edən işlərdə süni intellektin daha az istifadə olunması ehtimal olunur.
Vurğulayaq ki, ABŞ və Avropada mövcud iş yerlərinin təxminən üçdə ikisi müəyyən dərəcədə süni intellekt təsirinə məruz qalır.
