27 aprel 2023-cü ildə ən böyük Rusiya-Türkiyə əməkdaşlıq layihəsi olan Akkuyu AES-ə (AKKUYU NÜKLEER) nüvə yanacağının ilk partiyası çatdırılıb. Tədbirdə Rusiya prezidenti Vladimir Putin və Türkiyə prezidenti Rəcəb Tayyib Ərdoğan onlayn şəkildə iştirak ediblər.
AES-in ilk enerji blokunun bu il istifadəyə verilməsi planlaşdırılır. Ümumilikdə AES-də ümumi gücü 4800 MVt olan VVER-1200 reaktorlu 4 enerji bloku işləyəcək.
Akkuyu AES dünyada nüvə enerjisi tarixində ilk layihədir ki, BOO modelinə uyğun olaraq həyata keçirilir (Build - Own - Operate). Uzunmüddətli müqaviləyə əsasən, Rosatom Dövlət Korporasiyası zavodun layihələndirilməsi, tikintisi, saxlanması, istismarı və istismardan çıxarılması üzrə öhdəlikləri öz üzərinə götürür. Avadanlıqların və yüksək texnologiyalı məhsulların tədarükünün böyük hissəsi də Rusiya müəssisələri tərəfindən təmin ediləcək.
Türkiyə ərazini təmin edir, inşaatçılara və müəyyən bir qiymətə müəyyən miqdarda enerji almağı öhdəsinə götürür.
Atom elektrik stansiyası tam gücü ilə işə düşəndə ildə 35 milyard kilovat-saat elektrik enerjisi istehsal edəcək ki, bu da ölkənin enerji istehlakının təxminən 10 faizini təşkil edir. Beləliklə, Türkiyəyə təbii qaz idxalı hər il 1,5 milyard dollar azalacaq.
