Whatsapp yeni funksiya üzərində çalışır. Belə ki, bu funksiya sayəsində istifadəçilər QR koda ehtiyac duymadan telefon nömrəsi və şifrə ilə WhatsApp Web-ə daxil ola biləcəklər.
WhatsApp-ın bu yeni funksiyası beta istifadəçiləri tərəfindən sınaqdan keçirilir və hələlik ümumi istifadəyə verilmir. İstifadəçilər bu funksiyadan WhatsApp Web-də “Telefon Nömrəsi ilə Qoşul” düyməsini sıxaraq istifadə edə bilərlər. Onlar telefonlarından kodu daxil etməklə Whatsapp web-ə daxil ola biləcəklər.
Bu funksiyanın bütün istifadəçilər üçün nə vaxt istifadəyə veriləcəyi hələlik məlum deyil, lakin hesablamalara görə, onun yaxın həftələrdə istifadəyə veriləcəyi gözlənilir.
