2024-cü ilin yanvar-iyun aylarında Özbəkistanda 60 xarici texnologiya şirkəti tərəfindən 4 milyon ABŞ dolları vergi ödənilib. Vergi Komitəsinin məlumatına görə bu, ötən ilin eyni dövrü ilə müqayisədə 1,5 dəfə çoxdur.
Özbəkistanda vergi ödəyən xarici İT şirkətləri keçən il qazanclarını demək olar ki, iki dəfə artırıb. Bu barədə Özbəkistan Dövlət Vergi Komitəsinin açıqladığı statistik məlumatda qeyd edilir. 2023-cü ildə onların ümumi mənfəəti 50,8 milyon dollar təşkil edib.
Hazırda ölkədə internet və İT xidmətləri göstərən 57 xarici firma var. Təkcə 2023-cü ildə siyahıya 17 şirkət əlavə olunub. O cümlədən Sinqapur şirkəti TikTok PTE LTD. (TikTok) 2021-ci ilin iyul ayından Özbəkistanda məlumat serverlərinin Özbəkistanda yerləşməsini tələb edən şəxsi məlumatlar haqqında qanunu pozduğuna görə bloklanıb.
2022-ci illə müqayisədə 2023-cü ildə xarici İT şirkətlərinin Özbəkistan büdcəsinə ödədiyi vergilər 56,2% artıb. Ödənişlərin əsas payı Facebook-un ana şirkəti Meta (2,114 milyon dollar), Google (1,6 milyon dollar), Apple (1 milyon dollar) və Amazon (176 min dollar) kimi texnologiya nəhənglərinin payına düşür. Booking.com, Netflix, Xsolla, Zoom, Yandex və Adobe Systems ilk onluğu təşkil edib.
Özbəkistanda internet xidmətləri göstərən xarici şirkətlər 2020-ci ildən bu ölkədə vergi ödəyiblər.
