Yeni funksiya istifadəçilərə dostları, ailə üzvləri və ya həmkarları ilə eyni virtual mühitdə ünsiyyət qurmaq və işləmək şansı verir. İştirakçılar bu çatlarda səyahətləri planlaşdıra, sənədlər üzərində birgə işləyə, fikir ayrılıqlarını müzakirə edib ortaq qərara gələ və ya araşdırma apara bilərlər. Bu zaman ChatGPT lazımi məlumatları tapmaq, ümumiləşdirmək və seçimləri müqayisə etməklə prosesi sürətləndirir. Qrup çatlarına dəvət yolu ilə 20 nəfərədək iştirakçı qoşula bilər.
Qrup yaratmaq üçün sadəcə menyudan iştirakçı əlavə etmək və ya dəvət linki göndərmək kifayətdir. Hər bir istifadəçi üçün sadə profil (ad və şəkil) yaradılır. Mühüm məqam odur ki, istifadəçinin şəxsi tənzimləmələri və fərdi söhbətlərindəki "yaddaş" məlumatları digər qrup üzvlərindən gizli saxlanılır. Həmçinin, mövcud olan ikitərəfli yazışmaya kimisə əlavə etdikdə, köhnə söhbət olduğu kimi qalır və avtomatik olaraq yeni, boş bir müzakirə qrupu açılır.
Qrup söhbətlərində ChatGPT konteksti anlama qabiliyyəti ilə seçilir; o, söhbətə yersiz müdaxilə etmir və "kənarda qalmağı" bacarır. İştirakçılar yalnız "@ChatGPT" işarəsi ilə ona müraciət etdikdə süni intellekt cavab verir. Bundan əlavə, o, mesajlara emojilərlə reaksiya verə və iştirakçıları profil şəkillərindən tanıya bilir.
